Tecnos SmartOxy með tveimur optískum títannemum (5 m og 15 m)

Í þessum pakka fylgja SmartOxy tveir optískir súrefnis- og hitanemar úr títani, annar á 5 m kapli og hinn á 15 m kapli. Skipt er á milli þeirra með hraðtenginu. Optísku nemarnir þurfa hvorki himnu- né vökvaskipti í minnst 2 til 3 ár og mæla rétt jafnvel í alveg kyrru vatni.

SmartOxy er handhægur súrefnismælir með optískum súrefnisnema, gerður fyrir daglegar mælingar í kerjum og kvíum. Hann er vatnsheldur (IP67), höggþolinn og fer vel í hendi. Innbyggður loftþrýstingsnemi leiðréttir súrefnisgildið og seltu má stilla í mælinum.

Með hraðtengi og sjálfvirkri greiningu nema má tengja aðra nema frá Tecnos, svo sem pH, seltu, blaðgrænu og redox, og nota sama mælinn fyrir mörg mæligildi. Allar mælingar safnast þá í einn gagnagrunn.

Mælirinn er alveg þráðlaus: rafhlaðan hleðst á Qi-hleðslupúða, Wi-Fi sendir mælingar sjálfkrafa í vefgáttina FishControl og NFC-loftnet les merki við hvert ker svo mælingin vistast á réttum stað. Ef ekkert net er til staðar geymir mælirinn mælingarnar og sendir þær þegar samband næst. Í vefgáttinni má skoða mælingar eftir kerum og tækjum, í töflum og línuritum, og flytja þær út í Excel. Aðgangur að gáttinni fylgir mælinum.